駱 英 的 臺 語 詩
創 作 詩
ㄧ.南 部 班 芝 兮 春 天
覆 - - 南 部 秋 天 兮 田 園
|
春 雨 微 微 兮 早 起 約 束 做 夥 踅 蓮 池 寒 風 不 解 阮 心 意 招 雨 湊 陣 冷 支 支 聽 講 蓮 池 有 春 天 柳 枝 妖 嬌 好 光 景 風 雨 縱 是 無 時 停 猶 原 相 招 誰 人 驚 柑 色 花 蕊 真 大 瓣 留 阮 跤 步 醉 心 戀 稀 奇 借 問 伊 芳 名 班 芝 四 界 樹 頭 滿 南 部 春 天 兮 呼 請 有 緣 相 會 台 語 營 你 我 有 志 為 台 文 同 心 拍 拼 向 前 行 |
[相關散文]
回本頁開頭
二.春 天 後 母 面
|
人 講 春 天 後 母 面 有 時 燒 煦 煦 , 有 時 冷 霜 霜 不 管 後 母 面 腔 按 怎 變 花 開 花 謝 生 命 兮 呼 吸 猶 原 照 步 來 春 轉 去 總 是 會 復 反 頭 心 頭 兮 春 天 嘛 是 後 母 面 舊 年 燒 熱 今 年 寒 人 送 走 這 寒 兮 春 天 明 年 兮 後 母 面 是 燒 煦 煦 , 抑 是 冷 霜 霜 ? |
回本頁開頭
三.傷 情
|
寒 夜 燈 下 心 稀 微 敢 是 為 愛 暗 傷 情 人 情 世 事 行 透 透 情 愛 原 是 一 場 空 昔 日 詩 緣 情 分 深 今 朝 緣 盡 情 未 央 情 海 風 波 難 料 想 癡 情 唯 託 網 路 文 |
回本頁開頭
四.有 一 款 兮 心 情
|
有一款兮心情... 無影無隻,親像空氣 吮會著,掠昧住 置四匝輪轉 踅來踅去... 有一款兮心情... 無聲無勢,親像時間 往過到未來 不曾斷線過 無論生抑死 有一款兮心情... 無地不當,親像做大水 洶洶淹入我兮內心 予我未當喘氣 酸-酸酸-酸酸酸 親像空氣踅來踅去... 親像時間不曾斷線過... 親像做大水予我未當喘氣... 遮款兮心情... 只有老父您知也 |
回本頁開頭
五.秋 霜 寒 心 , 放 葉 離 枝
|
一粒石頭 dan3 落水底 亦有澎然一聲 秋風掃過人間 萬葉千聲 著來呼應自然兮腳步 情景所感 風雲嘛會因此變色 怎樣你兮心 加硬過石頭 加冷彼秋霜 益更比天頂兮浮雲加反面無常? 你心內驚啥? 世間情緣 分分合合 有緣做夥 無定著要見面 時常見面 冷冷霜霜 無緣做夥 見面加輸不見 你心內想啥? 我兮單純 恰若大路 直直直直 不求你來行踏 你兮可愛 恰若好酒 茫茫茫茫 我小可啜就醉 問你敢知啦? 你一定是不知 抑無你無遮忍心冷落我,是否? 抑是你知是知 干但激一個氣口不睬我,敢是? 無答案兮心聲 隨風散散去啦... 散散去...散散去...任在風吹四散去... |
回本頁開頭
六.一 杯 茶
|
立冬後兮歇睏日, 吹面不寒東北風, 曝日無熱早起時, 請裁坐置公園兮草坡頂, 泡一壺茶任在時間溜溜去, 偷得浮生半日閒. 向大度山彼爿看去, 彼條通海兮大通路猶原鬧熱chi4 chi4, 才無偌久進前, 逐工開車置病院和茨內中間跑來跑去, 舉心結一丸兮日子,猶親像置目珠前發生 手底捧兮一杯茶, 您兮形影置內面踅來踅去... 啥物茶上好食? 一世人食過不計其數兮好茶, 不曾看您這爾滿足兮表情. 雙手捧著這個幼細兮茶甌仔, 您目珠 kei4 kei4,喙唇尖尖, 若歕若哈這杯茶, 哈這杯您這世人上尾兮一杯茶... 這一幕,欲似拍模印置我兮心肝內 這杯茶,芳味久久不散-在我兮呼吸內 苦甘啊-苦甘,又復酸ko4 酸ko4 這是啥款兮滋味? 就要茲個時辰,才會明白俗語話講- 在生一粒豆 加贏死孝豬頭 亦才了解 歐陽修 瀧岡阡表所講兮- 每一頓飯思親兮心情 一杯茶,我食落喉, 食未落彼款凝置心肝頭兮思念. (百日紀念文) |
七.月 夜 暝
|
原在是新月暝， 原在是暗燈，隘路； 我孤一人對野外踅轉來，—— 茲款稀微按怎解脫！ 烏暗暝內兮一陣大雨 驚破了暗暝兮寂靜。 風雨吹亂了窗外兮桂影， 吹未散我心頭兮人影。 (仿 胡適 秘魔崖月夜) |
八.世 間 情 緣
|
做人無當像佛祖安爾恬恬坐踮蓮花座頂 == 色想行受識五蘊皆空 == 我只不過是一個平凡兮世間女子 世間兮愛恨情愁、悲歡離合 是我兮擔頭,我攏甘願予尹扥磨 明其知也有彼一工 所有兮擔頭攏著愛囥囥下來 我猶原歡喜甘願夯彼寡世間兮情債 == 彼寡值咧我為伊活過一擺兮記憶 == (仿 席慕容 塵緣) |
淡水春日
| 桃符一冬一回新 暖日和爽合行春 山形亦莊亦妖嬌 水態似夢還似真 阿給魚酥烘豆腐 挽面梳妝兼抓龍 借問偎海一小鎮 今年街頭啥上慶 2002正月 |
懷念天馬茶房
| 二三冬前嘛是班芝開得紅絳絳兮時陣, 頭一擺,心肝內感覺到228是動詞,不是歷史名詞. 第六屆世界台語營兮舞台頂,周世界兮台語人 開喙大聲復水氣咧講台語,唱台語歌,扮戲耍笑... 時間倒轉去到都才光復時... 天馬茶房內兮人事影子猶原活置眼前 一甲子年前兮是非恩怨予人心肝結歸丸 按怎喙講父母話袂使得? 按怎嘩來嘩去數百年,到二十世紀猶嘩袂煞? 恁不曾痛過兮人,勿講阮愛哭悲情 恁好命慣勢兮人,勿誚阮穿插無水 阮亦是父母所生,按怎袂當隨在阮大漢? 企起兮所在雖然有加隘,總亦是阮一世人兮向望-- 是悲,是喜,阮攏甘願予伊扥磨 按怎做一個人,頭殼無法度舉懸懸? 茶房內食茶食咖啡,行棋嘩拳唱歌詩兮形影已茫渺 命運兮鎖鏈繼續佮台灣人箍住 底時,咱才會當掙脫命運兮鎖鏈 重砌心肝內彼間--天馬茶房 (寫值 2002年228紀念日) 相關散文 |
猶原是班芝紅
| 春天
是妳復倒轉來矣 是乎 班芝講兮 妳兮衫褲猶原是 花草萬百種 欲似選美兮舞台 有兮溫馴多情 有兮妖嬌風騷 予阮目迷 心花開 妳兮面腔亦原在 反面無常 好親像後母兮心情 有時厚雨水 有時焦躁躁 予阮驚得 皮皮喘 妳兮故事 一冬番過一冬 - 班芝紅絳絳 無偌擋頭 稀微 迢遠兮月娘 明滅無定 心悶 春天 底時要離開? 請汝予阮拜託 - 帶走紅絳絳兮班芝 亦帶走 稀微 當頭看月娘 無願復茫渺失神 等待妳明年復轉來兮時 紅絳絳兮班芝猶原紅絳絳 春天兮故事就要換人講囉 2002春 相關詩文 |
回本頁開頭
|
臺 語 吟 詩 雅 集
|
首頁古雅臺語人
2004-2-6