光 音 兮 臺 語 歌 詩
導 護 媽 媽
|
導護媽媽 阮敬愛汝 無論是透風ぇ也是落雨 無論有盈え也是無盈 透早ぉ汝就來夠お校門口 袂曉疼惜家己 干礁疼惜咱寶貝囝仔 保護寶貝囝仔平安過大路 置新兮一年 含著歡喜兮眼屎 寫這首詩送乎汝 祝福汝 逐日歡頭喜面 來接送咱們寶貝囝仔 汝就是觀音 一個擱一個 一手牽過一手 相信汝牽過兮手 嘛會是觀音 將汝兮愛 代代傳落去 【註】 ぇ透風：刮風。 え有盈：有閒。 ぉ透早：大清早。 お來夠：來到。 |
見 笑 花
| 見笑花，驚見笑 儂甲伊摸一下 伊頭叨盹甲犁犁ぇ 越頭偷偷使眼尾え 見笑花，驚見笑 只好逐日匿壁角ぉ 看著一對一對行過去 無小心 就互儂兮傷害著 見笑花，驚見笑 開花花蕊圓圓圓 祝福逐家大團圓 阮嘛會恬恬心花開 等待恁牽手お經過 【註】 ぇ盹甲犁犁：垂下來。 え使眼尾：斜眼看人的樣子。 ぉ逐日匿壁角：每天躲在壁角。 お恁牽手：你的妻子。 |
帶 刺 兮 玫 瑰
|
儂講汝真水ぇ 又講汝有刺 想欲靠近心嘛驚 哪無刺 早就互儂挽挽去え 阮哪有通擱再看著汝ぉ 刺是保護汝兮外衫お 汝若會曉輕輕搪落か 就袂流血流滴 傷著汝家己が 煞擱怨恨阮 花相款き是遐呢香ぎ 遐呢水 汝甘無看著？ 【註】 ぇ真水：很美。 え挽挽去：就被摘去。 ぉ汝哪有通擱看著：你哪能看得見呢？ お外衫：外衣。 か輕輕搪落：你若會輕輕脫。下 が家己：自己。 き相款：同樣、一樣。 ぎ遐呢香：那麼香。 |
西 北 雨 直 直 落
|
西北雨直直落 土石流直直來 無跤會走ぇ又擱搬過溪 走夠え溝仔漧 手弄 過ぉ田園 流入歸茨間お 人嘛煞來埋 西北雨直直落 樹乳船か出動來相救 煞嘛就換人來救伊 真是笑話一大堆 西北雨直直落 落出真濟が兮問題 咱甘會知影好來改 還是猶原放乎伊 直直落……… 直直落……… 歸粒台灣漿糊糊き 【註】 ぇ無跤會走：沒有腳會跑路。 え走夠：跑到。 ぉ手弄 過：衝過。 お歸茨間 ：滿屋子。 か樹乳船：橡皮艇。 が真濟：很多。 き漿糊糊：像泥漿的樣子。 |
白 鴒 絲
|
白鴒絲ぇ 田頭田尾四界巡 行來行去 頭盹盹え詳細看 倆枝腳若竹枝 愛食就食ぉ 愛飛就飛 行行 食食 飛飛 汝是田園兮醫生 汝是稻仔兮保鑣 播田兮時陣 汝就來巡お田園 今馬汝在叼位？ 阮兮田園汝哪會無來巡 無外久煞會來笆荒か 啥麼時陣が 汝會擱來巡 阮兮打拼正有映望き 【註】 ぇ白鴒絲 ：白鷺絲。 え頭盹盹：頭低低的。 ぉ愛食就食：愛吃就吃。 お巡：巡邏。 か笆荒：荒涼。 が啥麼時陣：什麼時候。 き映望：希望。 |
汝 真 巧
|
汝真巧ぇ汝真鰲え 逐項攏會曉ぉ 琴棋書畫含お動畫攏會曉 心思單純擱古錐 點燈火嘛無地覓か 上帝置送作伙 會凍乎阮熟識汝 真是新年兮大禮物 親像汝爹底跳舞 親像小丑仔弄阮歡喜 汝甘有看得阮爹嘛底笑 爹扑簿仔が 祝福阮寶貝囝仔 逐日快樂 【註】 ぇ汝真巧：妳很聰明。 え汝真鰲：妳很棒的意思。 ぉ逐項攏會曉：什麼事情都會做。 お含：和、與。 か無地覓：無處尋。 が扑簿仔：鼓掌。 |
這 款 兮 愛
|
純純兮愛 水水兮夢 為汝展開兮花蕊 四界ぇ送四界香 阮鼻著汝兮芬芳 阮看著汝兮笑容 心情嘛輕鬆 鬱卒嘛會閃 淺淺兮迷人兮笑 煞踮置阮心內え 【註】 ぇ四界：到處。 煞踮置阮心內：竟然住在我心裡。 |
愛兮花蕊
|
愛，佇黑暗兮路中 吊著一葩電火ぇ 照出光明 雖然汝看袂著阮 偷偷為汝流落兮眼屎 雖然汝看袂著阮 偷偷佇一邊關心汝 恬恬 え為汝來祈禱 因為阮愛汝 甘願為汝來犧牲家己ぉ 嘛無愛看汝憂頭結面 只要看到汝歡喜 阮嘛歡喜 汝甘會知影？ 【註】 一葩電火：一盞燈光。 恬恬：靜靜；暗地。 家己：自己。 |
講 袂 了 兮 愛
|
講袂了兮愛 是置夢中牽絲ぇ兮思念 汝甘會知影え？ 置每一個暗暝 阮兮目屎搬過岸ぉ 自目眶恬恬お卸水兮心情 就親像天頂兮星 粒粒 手官 か閃光兮愛 鑽入汝兮心肝底 【註】 置夢中牽絲：在夢中結網。 知影：知道。 搬過岸：越過岸。 恬恬：靜靜的。 手官 著：用手提著。 |
水 萍
|
阮兮命運 親像無路兮水萍 對水流ぇ 親像無茨え兮浮雲 對風行ぉ 親像死枝お兮枯葉 墜落地 親像山內兮濛霧か 日頭若出就四散 跋落土跤が無氣力き 阮兮前途到底置叨位？ 哪無互阮ぎ一點點兮 選擇兮機會 【註】 對水流：跟水流著。 無茨：沒有家。 對風行：隨風走(飄)。 死枝：枯死的樹枝。 濛霧：煙霧。 跋落土跤：跌落地上。 無氣力：沒有力氣的樣子。 互阮：給我。 |
雨 水
|
汝若來 空中兮風飛沙就互汝落地 一四界ぇ攏清去え 花蕊嘛歡喜 就笑甲啄啊ぉ裂西西お 若無汝 花草就攏失神失神 一工夠暗か軟弰弰が 汝是阮生命兮溫泉 【註】 一四界：到處。 攏清去：全部都乾淨。 啄啊：嘴巴。 裂西西：合不攏。 一工夠暗：一天到晚。 軟弰弰：軟綿綿。 |
嗶 啊 聲
|
嗶啊聲ぇ置空中飛 置阮兮耳孔邊え底飛 飛過來飛過去 是啥儂底噴？ぉ 這種聲音一定有發翅 才會置空中飛 是安怎阮哪會無看見 不拘お阮兮耳孔吱吱叫 汝甘有看著？ 汝甘有聽著？ 伊飛掭啊袂？ 來阮兜歇睏が 阮兮眠床き分伊睏 【註】 嗶啊聲：笛聲。 耳孔邊：耳邊。 是啥儂底噴：是誰在吹。 不拘：不過。 你飛累了嗎？ 來阮兜歇睏：來我家休息。 眠床：床舖。 |
烏 板
|
古早兮 面色親像烏面 今馬ぇ兮烏板 不知置啥時陣え變白面 有冬時面色青悚悚ぉ 烏板到底是烏也是白 烏烏白白攙作伙お 是烏嘛是白 無烏嘛無白 汝講烏就是烏 愛講白就是白 管伊是烏抑是白 上驚か寫字袂好勢が 【註】 今馬：現在；時下。 不知置啥時陣：不知在什麼時候。 青悚悚：嚇綠了臉色。 攙作伙：黑黑白白混在一起。 上驚：最怕。 寫字袂好勢：寫字寫不好 |
影
|
阮兮影真奇怪 一工到暗攏無像ぇ 透早置阮面頭前 生做長長長 中 晝時阮哪踦置え日頭中央 伊就紡見ぉ 下晡時お置阮跤脊後か 嘛是長長長 扭曲變形兮烏影が 遐甘是阮？き 【註】 無像：不一樣。 踦置：站立。 紡見：不見。 下晡時：下午。 跤脊後：背後。 烏影：影子。 遐甘是阮；那會是我嗎？ |
天 頂 兮 星
|
天頂兮星 是阿母兮目睭(1) 暗瞑倒轉來(2) 看阮有踢被無？ 倒來陪阮睏 阮若驚醒都覓無汝(3) 阿母！ 汝置叨位？(4) 【註】 (1)目睭：眼睛。 (2)倒轉來：回來。 (3)覓無汝：找不到你。 (4)汝置叨位：你在哪裡。 |
流 浪 兮 星
|
流浪兮星 檌無路通轉去(1) 檌無 無小心煞來跌倒 無儂來同情 煞來為家己(2)底祈禱 流浪兮星 心肝攏碎去 連身屍(3)嘛無底檌 誰儂知影汝兮傷悲 汝猶原展出笑容 照出大家兮美夢 【註】 (1)檌無路通轉去：找不到路回去。 (2)家己：自己。 (3)身屍：屍體。 |
火 金 姑
|
月暗瞑閃閃爍 隨汝行隨汝走(1) 隨汝來到草埔堆 雙手抱汝金金看 汝兮目睭對阮睨無停 親像對阮直直講 汝需要兮是自由 放乎汝飛 看汝飛 阮嘛親像汝直飛 飛到天頂尾 越頭對汝睨目睭(2) 【註】 (1)跟著你走，跟著你跑。 (2)回頭對你眨眼睛。 |
杆 櫟 (陀 螺)
|
汝哪會甘將阮縛(1)甲這呢緊 一輪一輪又一輪(2) 汝哪會甘將阮這大力摔落地 互阮憨憨揓(3) 撿起來擱再縛 擱再摔 一擺(4)擱一擺 欲摔到冬時(5) 汝甘袂掭(6)？ 【註】 (1)縛：綁。 (2)一輪：一圈。 (3)憨憨揓：昏昏轉。 (4)一擺：一次。 (5)冬時：何時。 が、汝甘袂掭：難道你不累嗎？ |
草 蜢 公
|
草蜢公愛散步 牽牛落溪埔牛叨去 牛放屎屎叨去 屎澆菜菜叨去 菜開花花叨去 花結子子叨去 子擠油油叨去 油點火火叨去 火照路路叨去 路給草蓋蓋去 |
十 字 歌
|
一者炒米香 二者炒韭菜 三者搶搶滾 四者煮米粉 五者五將軍 六者生子孫 七者七娘媽 八者八仙巧 九者九玄女 十者順風耳 |
逐 日(1) 歡 喜
|
看著汝親手寫兮祝福 目屎滴袂停 粒粒攏是汝兮愛 阮看著過去 歡喜逗陣兮情景 媽咪啊！! 擱假無盈(2) 汝攏會記得阮這陣囝仔 汝兮祝福一定會成真 阮嘛深深祝福汝 媽咪！ 逐日歡喜過日子 【註】 (1)逐日：每天。 (2)擱假無盈：再怎麼忙碌。 |
牽 牛 花(1)
|
牽牛花，牽牛花 牽牛去看花 行啊行，行夠(1)山仔腳 愛用趴(2) 牛肥肥，趴袂起 踦佇(3)山仔腳看花趴 趴啊趴，趴夠樹頂尾 盹頭(4)對牛笑呵呵 【註】 (1)夠：到。 (2)趴：爬。 (3)踦佇：站在。 (4)盹頭：低頭。 |
牽 牛 花(2)
|
牽牛花呀！亂亂趴 趴到茨頂尾(1) 趴到茨頂尾 檌無路(2) 吊置遐咚咚搖 看著儂就緊叫 叭！叭！叭！ 緊來救阮喔 哪知？攏無儂欲睬伊 繼續搖！搖！搖！ 靠著堅紉兮絲 總是有一工 阮會轉去 【註】 (1)茨頂尾：屋頂。 (2)檌無路：找不到路。 |
汝
|
汝！汝！汝！汝尚水 面仔圓圓 目睭(1)耳仔大大朵 汝！汝！汝！汝尚夭鬼 吃加肥肥又擱錘錘(2) 肚子凸凸像水櫃 胸崁平平像樓梯 頭殼光光 笑起來親像彌勒佛 查某囝仔嬰 踦佇(3)窗仔門邊底搖鈴 搖甲真好聽 讀冊囝仔越頭(4)過去看 阮嘛聽到耳邊：「峭！峭！峭！」 詳細加伊看 原來伊是阮兮查某囝 抱起來親，抱起來惜 抱起來金金看 問伊什麼時陣學講話 阮哪會攏不知影 【註】 (1)目睭：眼睛。 (2)錘錘：笨笨。 (3)踦佇：站在。 (4)越頭：回頭。 |
想 起 汝
|
無代無誌就來想起汝 想起汝對阮兮關心 佮(1)對阮兮疼痛 阮不知欲安怎來報答汝 只有認真來寫 一首擱一首兮詩 詩中充滿阮對汝兮愛 兮情 永遠攏袂斷(2) 汝甘會知影 多謝汝送乎阮兮聖誕大禮物 是汝歸茨間(3)兮愛 【註】 (1)佮：和(與)。 (2)袂斷：不斷。 (3)歸茨間：滿屋子 。 |
等 車
|
等啊等！等啊等！ 目睭(1)直直看 看無車兮影跡 一台一台開過攏不是 怨聲四界起 想盡辦法連絡伊 誰知？放阮作伊去？ 實在真無道理 一群人攏總無人底建議 要回頭載阮作伙去 越想越生氣 世間哪有這呢無責任兮代誌 【註】 (1)目睭：眼睛。 |
病 相 思
|
相思苦，相思愁 心肝牽絲結規球(1) 拆袂開(2)拉袂直 愈拆愈大球(3) 歸去剪剪乎斷 管伊是不是扑損(4) 結粒兮相思網 仝款袂凍掠著(5)汝兮心 放久有啥路用？(6) 【註】 (1)結規球：結成球。 (2)拆袂開：解不開。 (3)愈拆愈大球：越解越纏越大粒。 (4)扑損：浪費。 (5)袂凍掠著：無法捉住。 (6)有啥路用：有何用處。 |
追思
|
二二八兮英魂 安息吧！ 汝甘有看見 阮是安怎底感謝汝 袂凍報答汝 只好用歷史來紀念汝 來疼惜汝兮子孫 學汝兮精神 照顧民主兮花叢 看伊開結子 自由兮風來吹 阮敬愛兮二二八英魂 |
工 時 案
|
親愛兮勞工代表 請汝就冷靜 不通為著一時兮衝動 為了家己(1)兮利益 來失去理智 事事項項 攏要阿扁仔來負責 叫伊愛落台 請問：阿扁仔有做不著(2)啥物代誌?(3) 勞工爭權益 頭家走兮走跑，逃兮逃 越來愈濟儂(4)揣無頭路(5) 汝爭著擱有啥路用？ 阮知汝到底是底逗相工？(6) 抑是底相害？ 【註】 (1)家己：自己。 (2)做不著：做不對。 (3)啥物代誌：什麼事情。 (4)愈濟儂：越多人。 (5)揣無頭路：找不到工作。 (6)逗相工：幫忙。 |
袂 記
|
袂記(1)阮是啥儂(2) 袂記所有兮傷悲 放乎袂記所有兮鬱卒 袂記操煩兮一切 千萬唔通(3)袂記 欲倒轉去茨(4)兮路 哪無永遠趖(5)袂出去 【註】 (1)袂記：忘記。 (2)啥儂：什麼人。 (3)唔通：不要(不能)。 (4)茨：家(屋子)。 (5)趖：走路慢吞吞的樣子。 |
鏡
|
羞羞羞，袂見笑 乾那會曉學儂ぇ 儂底行え汝就行 儂底走ぉ汝就走 儂底笑汝就笑 儂底哮お汝嘛哮 實在有夠不見笑 汝講阮學汝 阮講汝學阮 二個劍假面斜斜か 二個劍假氣扯扯が 一拳落去煞來破 汝檌沒阮 阮嘛找沒汝 叫阮欲安怎？ き 【註】 只會學別人。 行：走。 走：跑。 哮：哭。 倆人激辯得臉歪歪斜斜。 倆人激辯得很生氣。 叫我如何是好叫我如何是好。 |
阮 來 向 汝 拜 年
|
來來來! 阮來向汝拜年 祝汝新年大賺錢 祝汝康健吃百二 逐日歡頭喜面笑嘻嘻 三不五時來愛海揮揮 阮陪汝泡茶下棋吟詩 這就是天堂 要等值(何)時 現世解脫免憂疑 阮?著燈籃仔(籠)照路作伙行去 倒轉來咱們故鄉 阿母置那在等咱們 置叫 緊來轉 阮兮囝兒 |
反 核 兮 心 聲
|
飼貓鼠咬布袋 飼錢鼠破庫底 老鼠過街 人人喊打 貓鼠傳毒治(要)人命 錢鼠毒發國家亡 用咱們萬能兮手 消滅老鼠 是咱們人人兮責任 神聖兮一票 黑金斷 咱們愛想乎長 看乎明 勿湯顧看目周前(不能只顧眼前) 臺灣是寶島 核三已經密ㄐ一ㄡ四聲 ㄐ一ㄡ四聲 (集集,核三密集度已很高) 哪湯核四到相參 (哪裡能讓核四來相加) 靜坐反核來思考 掏出真心來 歷史會記載 代代子孫感恩來 感恩來 黃定芳自焚 定護臺灣反核行 芳君賭命禱官卿 自燃軀體高聲喊 焚盡政爭救國生 |
首頁古雅臺語人
2001-1-31